Signal ஆப்பில் புதுப் புது அம்சங்கள் : ஓப்பன் பண்ணி பார்த்தீங்கன்னா வெறி ஆகிடுவீங்க..


 சிக்னல் ஆப், வாட்ஸ்அப்பில் கிடைக்கக்கூடிய பல அம்சங்களை தனது தளத்திலும் உருவாக்கத் தொடங்கியுள்ளதாக தெரிகிறது.

அதாவது அவசர அவசரமாக “ஓடிவந்த” புதிய பயனர்களின் தேவைகளை புரிந்துகொண்ட சிக்னல் தனது ஆப்பில் வாட்ஸ்அப்பைப் பிரதிபலிக்கும் சில அம்சங்களை சேர்த்துள்ளது. இன்னும் சொல்லப்போனால்
சிக்னல் ஆப்
தற்போது வாட்ஸ்அப்பை அப்படியே பிரதிபலிக்கிறது என்றே கூறலாம்.

அப்படி என்னென்ன அம்சங்கள் என்பதை பற்றி அறிய தொடர்நது படிக்கவும்:

வாட்ஸ்அப் பீட்டா டிராக்கர் ஆன WABetaInfo கவனித்தபடி, ஆண்ட்ராய்டுக்கான சிக்னல் 5.3.1 பீட்டாவானது புதிய சாட் வால்பேப்பர் அம்சத்தைக் கொண்டுள்ளது. Settings > Appearance > Chat wallpaper சென்று இதை அணுகலாம்.

சிக்னல் ஆப்பின் ஓனர் யார்? சிக்னலுக்குள் இருக்கும் வாட்ஸஅப்பின் “பழைய ஆள்” யார்?

அங்கே தேர்வு செய்ய 21 ப்ரீ-செட் வால்பேப்பர்கள் உள்ளன, இருப்பினும் பயனர்கள் தங்கள் சொந்த புகைப்படங்களையும் ஆப்பில் சாட் வால்பேப்பர்களாக சேர்க்கலாம். சாட் வால்பேப்பரை மங்கச் செய்ய டார்க் தீம் செட் செய்வதற்கான விருப்பமும் அணுக கிடைக்கிறது.

வாட்ஸ்அப்பில் சில காலமாகவே சாட் வால்பேப்பர்கள் உள்ளன. நினைவூட்டும் வண்ணம் கடந்த டிசம்பரில்தனிப்பட்ட சாட்களுக்கான கஸ்டம் வால்பேப்பர்களை செட் செய்யும் அம்சமும் வாட்ஸ்அப்பில் அறிமுகமானது.

மேலும் சமீபத்திய சிக்னல் பீட்டாவானது ‘About’ விருப்பத்தையும் கொண்டுள்ளது, இது பயனர்கள் தங்கள் தொடர்புகளை பற்றிய விவரங்களை சொல்ல அனுமதிக்கிறது. இது சிக்னல் ஆப்பின் செட்டிங்ஸ் மெனுவில் ப்ரோபைல் விருப்பத்தில் அணுக கிடைக்கிறது. வாட்ஸ்அப்பிலும் இதேபோன்ற ‘About’ விருப்பம் உள்ளது.

சிக்னல் ஆப்பின் சமீபத்திய அப்டேட்டில் அனிமேஷன் செய்யப்பட்ட ஸ்டிக்கர்களுக்கான ஆதரவும் சேர்க்கப்பட்டுள்ளது. உடன் நிறுவனத்தின் முதல் அதிகாரப்பூர்வ அனிமேஷன் ஸ்டிக்கர் பேக்காக “டே பை டே” என்கிற ஸ்டிக்கர் பேக் சேர்க்கப்பட்டுள்ளது.

WABetaInfo குறிப்பிட்டுள்ளபடி, மொபைல் வழியாக மட்டுமின்றி, புதிய அனிமேஷன் ஸ்டிக்கர்களை உருவாக்க மற்றும் அவற்றை நேரடியாக தங்கள் நண்பர்களுடன் பகிர்ந்து கொள்ள சிக்னல் டெஸ்க்டாப் செயலியும் அனுமதிக்கிறது.

நினைவூட்டும் வண்ணம் கடந்த ஆண்டு ஜூலை மாதம் அனிமேஷன் ஸ்டிக்கர்கள் வாட்ஸ்அப்பில் வந்தன. சிக்னல் ஆப்பில் வரும் வாரங்களில் மூன்றாம் தரப்பு அனிமேஷன் ஸ்டிக்கர்களை இறக்குமதி செய்யும் திறன் கொண்டுவரப்படலாம் என்றும் கூறப்படுகிறது.

மேலும் சிக்னல் ஆப் அழைப்புகளுக்கான லோ டேட்டா பயன்முறையையும் கொண்டுவருகிறது, இது ஏற்கனவே வாட்ஸ்அப்பில் கிடைக்கிறது.

டெலிகிராம் ஆப்: டவுன்லோட் செய்யும் கட்டாயம் தெரிந்துகொள்ள வேண்டிய 10 மேட்டர்கள்!

இதுதவிர்த்து, சிக்னல் ஆப், இந்த வார தொடக்கத்தில், பயனர்கள் தங்கள் மீடியா கோப்புகளை ஆட்டோமெட்டிக்காக பதிவிறக்கம் செய்யும் அம்சத்தை கொண்டு வந்தது.

மேலும் சிக்னல் ஆப் ஆனது சமீபத்தில் ஐந்து பங்கேற்பாளர்களிடமிருந்து எட்டு என க்ரூப் அழைப்புகளின் வரம்பையும் மாற்றியது. இந்த இரண்டு அம்சங்களும் ஏற்கனவே வாட்ஸ்அப்பில் உள்ளன. நினைவூட்டும் வண்ணம் பேஸ்புக்கிற்கு சொந்தமான வாட்ஸ்அப் கடந்த ஏப்ரல் மாதத்தில் க்ரூப் காலிங் வரம்பை எட்டு பேருக்கு அதிகரித்தது.

ஷேர் செய்யக்கூடிய க்ரூப் கால லிங்க்கை உருவாக்க பயனர்களை அனுமதிக்கும் விருப்பத்தை சிக்னல் செயல்படுத்தியதாகவும் கூறப்படுகிறது. வரும் நாட்களிலும் சிக்னல் ஆப் பல புதிய அம்சங்களை அறிமுகம் செய்யும் என்று எதிர்பார்க்கலாம். ஆனால் அவைகள் வாட்ஸ்அப்பை விட எந்த அளவு மேம்பட்டதாக அல்லது வித்தியாசமாக இருக்கும் என்பதே இங்கே எழும் பெரிய கேள்வி!

Post a Comment

Previous Post Next Post